2012年4月14日 星期六

排牙有漬!?買漂牙粉又嫌貴?3蚊助你美白牙齒

 香港人鐘意飲可樂飲檸檬茶,但係大家有無諗過呢d飲品都係令你排牙有漬同牙垢既原因呢? 排牙有漬、牙垢係阻礙你變靚既最大克星,就好似最近全城熱爆既《盛女愛作戰》中Gobby 要變靚,首要任務就係整靚排牙。如果你排牙有漬和牙垢等問題,咁你就必須要繼續睇落下……

 市面上有好多漂牙粉聲稱可以將牙齒美白,但係大家有無諗過呢d化學物質會整傷牙齒既琺瑯質,長期下去好易令牙齒崩裂,到時變左崩牙仔崩牙女就大件事啦!

依家向大家介紹一隻只需要用3蚊就可以買到一大包美白牙齒既中藥材——木賊。

木賊:木賊科多年生常綠草本隱花植物木賊 (Equisetum hiemale L.) 的全草,產於東北、華北、內蒙及長江流域各省。夏季採收,除去雜質及鬚根,曬乾或陰乾,切段入藥。
本篇要講既係外用美白牙齒既功能!


資料來源:http://yibian.hopto.org/yao/?yno=54

依家就講點樣用啦~
Step1:先用水浸透木賊至軟身(約5mins)

Step 2:對摺木賊,如影片示:

Step 3:因為木賊係直紋狀,所以要左右左右的方向擦牙先正確(總之聽到咯咯聲就恰)。只係講就單薄d,所以我請左排牙好多牙漬既Mr Jackjack幫手做例子。(狗仔都可以用木賊擦牙,慳番唔少錢~唔需要去獸醫度洗牙啦)

Mr Jackjack
  

Before:                                                        After:

      
我幫Jackjack擦完牙後就睇到牙漬同牙垢認真少左好多,捽落去就好似用洗潔精洗乾淨既碟面咁,牙面都shiny左啊!如果大家想要靚靚既牙齒,就要努力d擦走牙漬啦~~~

P.S.
周圍既藥材舖都可以買到木賊,同老闆講:「3蚊木賊,唔該!」份量就可以擦牙擦足成個月!



1 則留言:

  1. 我都有用過啊,真係work!即時見效~
    原來佢叫木賊@@(某日係屋企發現有樣咁既野就拎黎用了)

    回覆刪除